"Атлетико" ҳужумчилари Хулиан Альварес ва Жонатан Давид жамоавий машғулот якунланганидан кейин ҳам майдонда қолиб, индивидуал тарзда қўшимча иш олиб борди.
Marca маълумотига кўра, Альварес ўзининг оптимал жисмоний ҳолатига тезроқ қайтиш мақсадида қўшимча юкламалар бажарди. Аргентиналик футболчи сўнгги кунларда формасини тиклаш устида ишламоқда. Marca аввалроқ ҳам Альвареснинг энг яхши ҳолатига тезроқ чиқиши "Атлетико" мураббийлар штаби олдидаги асосий вазифалардан бири эканини қайд этганди.
Жамоанинг янги ҳужумчиси Жонатан Давид эса машғулотдан сўнг голли вазиятларни якунлаш ва зарбалар аниқлигини оширишга қаратилган машқларни бажарди.
Канадалик форвард яқинда "Ювентус"дан "Атлетико"га ижара асосида қўшилди. Мадридликлар уни кейинчалик сотиб олиш ҳуқуқига ҳам эга. Давид ҳужум чизиғида Альварес ва Александер Сёрлот билан рақобат олиб боради.
