Enrike Rikelme boshchiligidagi loyiha "Real" prezidentligi uchun o‘tkazilgan so‘nggi saylovdagi mag‘lubiyatdan keyin ham to‘xtab qolmadi. Jamoa allaqachon klub kelajagini ko‘zlab ish olib bormoqda va asosiy maqsad 2030 yilgi saylovlarga qaratilgan.
Rikelme saylovda 11 814 ta ovoz, ya’ni umumiy ovozlarning 35 foizini oldi. Florentino Peres esa 21 741 ta ovoz, ya’ni 65 foiz natija bilan yana prezidentlikka saylandi.
Shunga qaramay, saylov natijasi Rikelme loyihasining yakuni bo‘lmadi.
Rikelmening o‘zi ta’kidlaganidek, uning jamoasi kelgusi yillarda ham ishni davom ettiradi. Asosiy maqsad — navbatdagi prezidentlik sayloviga puxta tayyorgarlik ko‘rish.
Ular uzoq muddatli reja asosida ish olib borib, 2030 yilda "Real" prezidentini saylash vaqti kelganda yana o‘z nomzodini ilgari surishni rejalashtirmoqda.
