Энрике Рикельме бошчилигидаги лойиҳа "Реал" президентлиги учун ўтказилган сўнгги сайловдаги мағлубиятдан кейин ҳам тўхтаб қолмади. Жамоа аллақачон клуб келажагини кўзлаб иш олиб бормоқда ва асосий мақсад 2030 йилги сайловларга қаратилган.

Рикельме сайловда 11 814 та овоз, яъни умумий овозларнинг 35 фоизини олди. Флорентино Перес эса 21 741 та овоз, яъни 65 фоиз натижа билан яна президентликка сайланди.

Шунга қарамай, сайлов натижаси Рикельме лойиҳасининг якуни бўлмади.

Рикельменинг ўзи таъкидлаганидек, унинг жамоаси келгуси йилларда ҳам ишни давом эттиради. Асосий мақсад — навбатдаги президентлик сайловига пухта тайёргарлик кўриш.

Улар узоқ муддатли режа асосида иш олиб бориб, 2030 йилда "Реал" президентини сайлаш вақти келганда яна ўз номзодини илгари суришни режалаштирмоқда.