Diario SPORT ma’lumotiga ko‘ra, Mark Kasado yozgi transfer oynasining so‘nggi soatlarida bir qator keskin va kutilmagan voqealarni boshdan kechirgan.
22 yoshli yarim himoyachi Xans-Diter Flik yangi mavsumda unga asosiy rejalaridan joy yo‘qligini bildirganidan so‘ng, muntazam o‘yin amaliyotiga ega bo‘lishni ustuvor maqsad qilib qo‘ygan.
Kasadoning "Bayer"ga 20 million yevroga to‘liq transfer qilinishi kutilgan, ammo Robert Andrix nemis klubini tark etmagani sabab kelishuv so‘nggi lahzada buzilgan.
"Real Betis" va "Elche" ham futbolchiga qiziqish bildirgan, biroq ikki klub ham uni to‘liq sotib olish uchun yetarli moliyaviy imkoniyatga ega bo‘lmagan. Saudiya Arabistoni va Turkiyadan tushgan variantlar esa dastlab Kasado tomonidan chetga surilgan.
Transfer oynasining so‘nggi kuni tushdan keyin "Barselona" sport rahbariyati futbolchini "Deportivo La-Korunya"ga ijaraga berish variantini taklif qildi. Ushbu transferni jamoa bosh murabbiyi Antonio Idalgo ham faol qo‘llab-quvvatlagan.
Muzokaralar davomida 30 million yevrolik majburiy xarid bandi borasida jiddiy kelishmovchilik yuzaga kelgan. Yakunda Deku yon berdi va barcha hujjatlar transfer oynasi yopilishidan biroz oldin rasmiylashtirildi.
