Antoni Marsyal Angliya Premyer-ligasiga qaytishi mumkin. Fransiyalik futbolchining yangi klubi «Everton» bo‘lishi ehtimol qilinmoqda.

Derbyderbyderby.it ma’lumotiga ko‘ra, Liverpul klubi rahbariyatiga Marsyalning erkin agent maqomida ekani ma’qul kelgan.

30 yoshli futbolchi uchun bu 2024 yilda «Manchester Yunayted»ni tark etganidan so‘ng pasayib borayotgan faoliyatini qayta tiklash imkoniyati bo‘lishi mumkin.

Qayd etilishicha, «Everton» avval ham faoliyatida qiyin davrni boshdan kechirayotgan Dele Alliga yangi imkoniyat berishga uringan, ammo bu tajriba muvaffaqiyatli yakunlanmagan.

Manbaga ko‘ra, tomonlar hozirda faol aloqada, ammo hali yakuniy qaror qabul qilinmagan.