Антони Марсьяль Англия Премьер-лигасига қайтиши мумкин. Франциялик футболчининг янги клуби «Эвертон» бўлиши эҳтимол қилинмоқда.
Derbyderbyderby.it маълумотига кўра, Ливерпуль клуби раҳбариятига Марсьялнинг эркин агент мақомида экани маъқул келган.
30 ёшли футболчи учун бу 2024 йилда «Манчестер Юнайтед»ни тарк этганидан сўнг пасайиб бораётган фаолиятини қайта тиклаш имконияти бўлиши мумкин.
Қайд этилишича, «Эвертон» аввал ҳам фаолиятида қийин даврни бошдан кечираётган Деле Аллига янги имконият беришга уринган, аммо бу тажриба муваффақиятли якунланмаган.
Манбага кўра, томонлар ҳозирда фаол алоқада, аммо ҳали якуний қарор қабул қилинмаган.
