Bugun O‘zbekiston Superligasining 20-turi doirasida "Qizilqum" va "Buxoro" jamoalari o‘zaro to‘qnash keladi. Bahs soat 20:15 da Yoshlar sport majmuasida boshlanadi.

Jamoalar shu kunga qadar 45 marta o‘zaro maydonga tushgan va natijalarda mutlaq tenglik qayd etilgan. "Qizilqum" ham, "Buxoro" ham 19 tadan g‘alabaga erishgan, yana 7 ta uchrashuv durang bilan yakunlangan.

To‘plar nisbatida navoiyliklar kichik ustunlikka ega — 56:51.

"Qizilqum"ning ushbu raqib ustidan eng yirik g‘alabasi 5:0 hisobida qayd etilgan. "Buxoro" esa o‘zaro uchrashuvlarda 4:1 hisobidagi eng yirik g‘alabaga ega.

Shu tariqa, bugungi bahs jamoalarning o‘zaro 46-uchrashuvi bo‘ladi va g‘olib tomon qarama-qarshilik tarixidagi g‘alabalar soni bo‘yicha oldinga chiqib oladi.