Tayson Fyuri UFC rahbari Dana Uaytga Entoni Joshuaga qarshi jangni tashkil etgani uchun minnatdorchilik bildirdi.
«Joshuaga qarshi jangni tashkil qilgani va Netflix bilan kelishuv tuzgani uchun Uaytga minnatdorchilik bildirmoqchiman. Uning yordami bilan biz maqsadimizga erishdik. Eddi Xirn — kichik, hasadgo‘y, u bu ishda hech qanday hissasi yo‘qligini tan olishga jur’ati yetmaydi.
Men esa erkakman va boshqa bir erkakka Eddi va uning do‘stlari yillar davomida uddalay olmagan katta ishni amalga oshirgani uchun hurmatimni bildira olaman. Katta rahmat, Dana, sen afsonasan. Dunyodagi eng yaxshi promouterlardan biri va ajoyib insonsan», — dedi Fyuri.
Eslatib o‘tamiz, Entoni Joshua va Tayson Fyuri o‘rtasidagi jang hali rasman e’lon qilinmagan.
