Orelyon Tchuameni yozgi transferlar oynasida «Manchester Yunayted»ning yarim himoyadagi asosiy maqsadi bo‘lgan. Bu haqda The Sun Football xabar berdi.

Biroq «MYU» futbolchini sotib olishdan uning yuqori maoshi bilan bog‘liq xavotirlar sabab voz kechgan. «Qizil iblislar» Tchuameniga juda katta maosh to‘lash zarurati klubdagi amaldagi maosh tizimiga jiddiy ta’sir qilishi mumkin, deb hisoblagan.

Tchuameni o‘tgan mavsumda «Real» safida barcha turnirlarda 49 ta o‘yinda maydonga tushdi. Yarim himoyachi 2 ta gol urdi va 2 ta golli uzatma amalga oshirdi.