Italiyaning «Komo» klubi 20 yoshli vinger Assane Diao bilan shartnomani uzaytirishni rejalashtirmoqda. Bu haqda mashhur insayder Nikolo Skira ijtimoiy tarmoqlarida xabar berdi.
Manbaga ko‘ra, «Komo» senegallik futbolchiga 2031 yilgacha mo‘ljallangan shartnoma taklif qiladi. Yozgi transferlar oynasida klub Diaoni APL klublaridan biriga 40 million yevro evaziga sotishdan bosh tortgan, shuningdek, A Seriyasi klublarining takliflarini ham rad etgan.
Diao yangi mavsumda Italiya chempionatida 3 ta uchrashuvda ishtirok etib, 2 ta gol urdi va 1 ta golli uzatma amalga oshirdi.
Vingerning «Komo» bilan amaldagi shartnomasi 2029 yil iyun oyining oxirigacha amal qiladi.
