«Milan» himoyachisi Straxinya Pavlovich «Yuventus»ga qarshi o‘yin oldidan turinliklarning eng xavfli futbolchisini aytdi.
Serbiyalik futbolchi «Yuventus» jamoasida Fransishku Konseysauni alohida ajratib, uni to‘xtatish juda qiyin ekanini ta’kidladi.
«Uni ushlab turish qiyin, chunki u juda tez, ikki oyog‘ida ham birdek sifatli zarba bera oladi», — dedi Pavlovich Tuttosport nashriga. Himoyachi shuningdek, «Yuventus»ni Chempionlar ligasi yo‘llanmasi va undan yuqori maqsadlar uchun «Milan» bilan bir qatorda kurasha oladigan jamoa deb hisoblashini aytdi.
