«Roma» bosh murabbiyi Jan Pyero Gasperini Italiya chempionatining 3-turida «Atalanta» ustidan 2:1 hisobida qozonilgan irodali g‘alabadan so‘ng jamoasining xarakterini alohida ta’kidladi.

«Biz kuchli jamoaga qarshi o‘ynadik va birinchi bo‘limni to‘liq nazorat qilgan bo‘lsak-da, raqibning ilk hujumidayoq gol o‘tkazib yubordik. Bunday issiq havoda doim hujum qilib, gol ura olmasangiz, kuchingizni yo‘qotib qo‘yish xavfi bor.

Shunga qaramay, biz oxirigacha bosimni davom ettirdik. 89-daqiqagacha hisobda ortda borayotgan holda qo‘shib berilgan vaqtda g‘alaba qozonish — jamoa haqiqatan ham o‘z kuchiga ishonishining belgisi», — deya Gasperinining so‘zlarini Football Italia keltirmoqda.

«Roma» 9 imkoniyatdan 9 ochko to‘plab, «Inter» bilan birga turnir jadvalida peshqadamlik qilmoqda.

Payshanba kuni rimliklar Chempionlar ligasida 7 yillik tanaffusdan keyingi ilk uchrashuvini o‘tkazadi. «Roma» Turkiyaning «Fenerbaxche» klubiga qarshi maydonga tushadi.