«Milan»ning sobiq himoyachisi Alessandro Kostakurta Chempionlar ligasining joriy mavsumidagi asosiy favoritlarni atadi. U so‘nggi ikki turnir g‘olibi — Fransiyaning «PSJ» klubini birinchi o‘ringa qo‘ydi.

«Barkola jamoani tark etganiga qaramay, «PSJ» hamon Yevropaning 1-raqamli jamoasi bo‘lib qolmoqda. Shuningdek, «Barselona» va «Real»ni ham diqqat bilan kuzatyapman, chunki ular tarkibida ajoyib futbolchilar bor.

«Barselona» Rodri bilan kuchaydi. Bu jamoa ba’zan himoyada unchalik ishonchli ko‘rinmasligi mumkin, ammo hujumda juda qo‘rqinchli», — deya Kostakurtaning so‘zlarini Football Italia keltirmoqda.

Mutaxassis, shuningdek, «Bavariya», «Inter» va Angliya klublaridan biri ham Chempionlar ligasi sovrini uchun kurashishi mumkinligini ta’kidladi.