«Arsenal» bosh murabbiyi Mikel Arteta vinger Bukayo Sakaning o‘yini haqida fikr bildirdi.
Angliyalik futbolchi APLning joriy mavsumidagi dastlabki ikki uchrashuvning har birida bittadan gol urdi.
O‘tgan mavsum «kanonirlar» yulduzi uchun, jamoaning chempionatdagi muvaffaqiyatiga qaramay, u qadar omadli kechmagan edi. Bunga asosiy sabablardan biri jarohatlar bilan bog‘liq muammolar bo‘ldi.
«Uning ta’tildan muddatidan oldin qaytishga qaror qilgani va mavsumoldi tayyorgarlikdagi mehnati — juda yaxshi belgi.
Ba’zan futbolchining faoliyatida unga yangi motivasiya kerak bo‘ladigan palla keladi. Ayrim holatlarda yangi darajaga chiqish uchun kichik bir turtkining o‘zi yetarli bo‘ladi.
Hozir biz Bukayoda ana shunday o‘sish alomatlarini ko‘ryapmiz», — deya Artetaning so‘zlarini jurnalist Konnor Hem keltirmoqda.
Yakshanba kuni «Arsenal» o‘z maydonida «Chelsi»ga qarshi maydonga tushadi.
