«Manchester Siti» hujumchisi Erling Xoland uzun sochlarini kesish qaroridan so‘ng kuchini yo‘qotib qo‘yishdan qo‘rqqan-qo‘rqmagani haqida gapirdi.

— Aytishim kerak, men biroz xavotirlangan edim. Zlatan Ibragimovich meni bir necha marta ogohlantirganida, biroz qo‘rqib ketdim! Ammo hozircha hammasi ancha yaxshi ketmoqda.

— Butun dunyo bir narsa bilan qiziqmoqda: bu shunchaki impulsiv qaror bo‘lganmi? Bir kuni sochlaringizni kesishga qaror qildingizmi yoki buni oldindan rejalashtirganmidingiz?

— Men bu haqda ancha vaqt o‘yladim, ammo atrofimdagilar meni bu qarordan qaytarishga harakat qilishdi. Ular mening avvalgidek ko‘rinishimni xohlashdi. Ammo endi sochlarimni kesish vaqti kelganini his qildim. Jahon chempionati vaqtida ularni kesishni zarur deb hisobladim, endi esa ularni yana o‘stirishimga to‘g‘ri keladi, — deya Xolandning so‘zlarini jurnalist Yan Oge Fyortoft o‘zining X ijtimoiy tarmog‘ida keltirdi.