KSW’ning sobiq ikki karra chempioni Salaxdin Parnass Parijdagi UFC Fight Night 287 turnirida Den Xuker ustidan qozonilgan g‘alabadan so‘ng UFC’dagi kelajagi haqida gapirib o‘tdi.
«Men dunyodagi eng yaxshi jangchiman. Shunchaki eng yaxshisi. Jang muddatidan oldin yakunlanishini kutganmidim? Ha, albatta. Men barcha janglarimda muddatidan oldin g‘alaba qozonaman, hammasini nokaut bilan tugataman, shu sababli bunday natijaga ishonchim komil edi. Bundan keyin-chi? Navbatdagi jangni kutaman, kuchli beshlikdan (top-5) raqib istayman.
Umuman olganda, mening orzuimdagi jang — bu Maks Xolloueyga qarshi kechadigan bahs. Maks — afsona, unga cheksiz hurmatim bor. U BMF kamariga, yarim yengil vazn kamariga egalik qilgan — u hamma narsaga erishgan. Xullas, men Xollouey yoki top-5’dagi boshqa bir jangchi bilan tushmoqchiman. Men bunga tayyorman», — deydi Parnass.
