«Liverpul» hujumchisi Aleksander Isak jamoa bosh murabbiyi Andoni Iraola joriy etgan yangi hujumkor uslub unga juda mos kelishini aytdi.

«Albatta, bu uslub menga mos. Menga raqib biroz tartibli joylashgan paytda tez qarshi hujumga o‘tish va oldinga harakat qilish yoqadi.

Bu, shuningdek, “Liverpul”ning o‘ziga xosligiga ham o‘xshaydi — doimo hujum qilish va qarshi hujumlarda imkoniyatdan foydalanish. Shuning uchun bu uslub barchamizga mos keladi», — dedi Isak.

Shvesiyalik futbolchi jamoadagi hozirgi muhit haqida ham fikr bildirdi.

«O‘zimni yaxshi his qilyapman. Bizda yangi murabbiy va bir nechta yangi futbolchilar bor. Mavsumni ham yomon boshlamadik, shuning uchun kelajakka ijobiy qarayapmiz», — dedi hujumchi.

Isak juma kuni APL doirasida «Ipsvich»ga qarshi 2:0 hisobidagi g‘alabada ikkita gol urdi. Har ikki golga Kodi Gakpo assistentlik qildi.