19 yoshli o‘ng qanot himoyachisi Xavi Espart joriy mavsum startida «Barselona»ning asosiy tarkibidan mustahkam o‘rin oldi.
Yosh ispaniyalik futbolchi La Liganing joriy mavsumida kataloniyaliklar o‘tkazgan barcha 4 ta uchrashuvda boshidan oxirigacha maydonda harakat qildi. Iqtidorli lateral 2 ta golli uzatmani amalga oshirdi va jamoasining umumiy 17:2 hisobida 4 ta g‘alaba qozonishiga hissa qo‘shdi.
«Espart deyarli Lamin Yamal va Pau Kubarsi kabi iqtidorli. Biz yana bir brilliant topdik!» — deya jurnalist Xavi Jorjettining so‘zlarini Barca Universal keltirdi.
Yakshanba kuni Xans-Diter Flik jamoasi safarda «Valensiya»ni 5:0 hisobida yirik tarzda mag‘lub etdi.
9 sentyabr, chorshanba kuni «Barselona» Chempionlar ligasidagi ishtirokini o‘z maydonida Niderlandiyaning «Feyenoord» klubiga qarshi uchrashuv bilan boshlaydi.
