19 ёшли ўнг қанот ҳимоячиси Хави Эспарт жорий мавсум стартида «Барселона»нинг асосий таркибидан мустаҳкам ўрин олди.

Ёш испаниялик футболчи Ла Лиганинг жорий мавсумида каталонияликлар ўтказган барча 4 та учрашувда бошидан охиригача майдонда ҳаракат қилди. Иқтидорли латераль 2 та голли узатмани амалга оширди ва жамоасининг умумий 17:2 ҳисобида 4 та ғалаба қозонишига ҳисса қўшди.

«Эспарт деярли Ламин Ямал ва Пау Кубарси каби иқтидорли. Биз яна бир бриллиант топдик!» — дея журналист Хави Жоржеттининг сўзларини Barca Universal келтирди.

Якшанба куни Ханс-Дитер Флик жамоаси сафарда «Валенсия»ни 5:0 ҳисобида йирик тарзда мағлуб этди.

9 сентябрь, чоршанба куни «Барселона» Чемпионлар лигасидаги иштирокини ўз майдонида Нидерландиянинг «Фейеноорд» клубига қарши учрашув билан бошлайди.