Italiya futbolida yakshanba kunining markaziy o‘yinida «Milan» va «Yuventus» yana bir bor, ketma-ket uchinchi marta murosa yo‘lini tanlashdi. Turin klubining portugaliyalik hujumchisi Fransishku Konseysau «Milan» hech qanday favqulodda narsa ko‘rsata olmaganini va golli vaziyatdan tashqari boshqa hech narsa qila olmaganini ta’kidladi.
«90 daqiqa yakunlariga ko‘ra, biz g‘alabaga loyiq edik. Golni hisobga olmasa, «Milan» nima qildi? Hech narsa. Barcha xavf-xatarlarni hisobga olganda, mag‘lub bo‘lmaganimiz yaxshi, ammo endi mehnat qilishda davom etishimiz kerak, chunki oldinda hali uzoq yo‘l bor», — deydi portugaliyalik futbolchi pianetamilan.it nashriga.
A Seriyaning keyingi turida «Yuventus» «Sassuolo»ga qarshi maydonga tushadi.
