«Bavariya» bosh direktori Yan-Kristian Drezen hujumchi Xarri Keyn bilan shartnomani uzaytirish ehtimoli haqida fikr bildirdi. U forvard Myunxen klubida qolishni xohlayotganini ma’lum qildi.
«Munosabatlarimiz juda samimiy va erkin. Ikkala tomon ham shartnomani uzaytirishni istayotgani aniq. Bitimning amal qilish muddati — bu yerda gapirib o‘tirmaydigan kichik tafsilotlardan biri», — dedi Drezen SPORT1 nashriga bergan intervyusida.
O‘tgan mavsumda Xarri Keyn «Bavariya» safida 51 ta o‘yinda maydonga tushib, 61 ta gol urdi va 7 ta golli uzatmani amalga oshirdi. Uning Myunxen klubi bilan amaldagi shartnomasi 2027 yilning yozigacha mo‘ljallangan.
