«Бавария» бош директори Ян-Кристиан Дрезен ҳужумчи Харри Кейн билан шартномани узайтириш эҳтимоли ҳақида фикр билдирди. У форвард Мюнхен клубида қолишни хоҳлаётганини маълум қилди.
«Муносабатларимиз жуда самимий ва эркин. Иккала томон ҳам шартномани узайтиришни истаётгани аниқ. Битимнинг амал қилиш муддати — бу ерда гапириб ўтирмайдиган кичик тафсилотлардан бири», — деди Дрезен SPORT1 нашрига берган интервьюсида.
Ўтган мавсумда Харри Кейн «Бавария» сафида 51 та ўйинда майдонга тушиб, 61 та гол урди ва 7 та голли узатмани амалга оширди. Унинг Мюнхен клуби билан амалдаги шартномаси 2027 йилнинг ёзигача мўлжалланган.
