"Barselona" himoyachisi Jerar Martin jamoa darvozaboni Joan Garsiyaning o‘yini haqida fikr bildirdi.

"Joan Garsiya yuqori himoya chizig‘ida o‘ynashimizga juda katta yordam beradi. Ba’zan u xuddi orqamizda turganday tuyuladi.

U orqaga tashlangan to‘plarni tozalab turadi va raqib himoya ortimizga uzoq uzatma yo‘llaganda hamisha diqqatini yo‘qotmaydi", — deya Martinning so‘zlarini Barça Universal keltirdi.

Joriy mavsumda 25 yoshli darvozabon Ispaniya chempionatidagi barcha 4 ta o‘yinda maydonga tushdi. U 2 ta gol o‘tkazib yubordi va 3 ta uchrashuvda darvozasi daxlsizligini saqlab qoldi.

"Barselona" 4 turdan so‘ng 12 ochko bilan turnir jadvalida peshqadamlik qilmoqda. Keyingi turda kataloniyaliklar safarda "Levante"ga qarshi maydonga tushadi.