"Barselona" himoyachisi Erik Garsiya jamoadoshi Ronald Arauxoga hurmat yuzasidan 4-raqamli futbolkani tanlashni istamadi.
SER ma’lumotiga ko‘ra, urugvaylik himoyachining "Liverpul"ga ijaraga ketishidan keyin 4-raqam bo‘sh qolgan. Biroq Erik Garsiya ushbu raqamni olish imkoniyati bo‘lishiga qaramay, bundan voz kechgan.
Ispaniyalik futbolchi Arauxoni hali ham "Barselona"ning muhim a’zolaridan biri deb hisoblaydi. Shu sabab u jamoadoshining raqamini egallashni to‘g‘ri deb bilmagan.
Eslatib o‘tamiz, Arauxo 2026/27 mavsumini "Liverpul" safida ijara asosida o‘tkazmoqda. Kelishuv 2027 yil yoziga qadar mo‘ljallangan.
