"Барселона" ҳимоячиси Эрик Гарсия жамоадоши Рональд Араухога ҳурмат юзасидан 4-рақамли футболкани танлашни истамади.
SER маълумотига кўра, уругвайлик ҳимоячининг "Ливерпуль"га ижарага кетишидан кейин 4-рақам бўш қолган. Бироқ Эрик Гарсия ушбу рақамни олиш имконияти бўлишига қарамай, бундан воз кечган.
Испаниялик футболчи Араухони ҳали ҳам "Барселона"нинг муҳим аъзоларидан бири деб ҳисоблайди. Шу сабаб у жамоадошининг рақамини эгаллашни тўғри деб билмаган.
Эслатиб ўтамиз, Араухо 2026/27 мавсумини "Ливерпуль" сафида ижара асосида ўтказмоқда. Келишув 2027 йил ёзига қадар мўлжалланган.
