«Реал» Тибо Куртуанинг узоқ муддатли ўрнини босиши мумкин бўлган дарвозабонни фаол қидирмоқда. TEAMtalk хабар беришича, мадридликлар Жанлуиджи Доннаруммани трансфер қилиши мумкин.
Қайд этилишича, трансферга «Манчестер Сити»даги муаммолар сабаб бўлиши мумкин — клуб молиявий қоидаларни кўп марта бузганликда айбдор деб топилди. «Шаҳарликлар» жиддий санкцияларга, ҳатто Премьер-лигадан четлатилишга ҳам дуч келиши мумкин.
Нуфузли Transfermarkt портали 27 ёшли Жанлуиджи Доннарумманинг бозор қийматини 45 миллион еврога баҳоламоқда. Италиялик дарвозабоннинг «Манчестер Сити» билан шартномаси 2029/30 мавсуми якунига қадар амал қилади.
