«Manchester Yunayted»ning sobiq hujumchisi, ayni paytda futbol eksperti Ueyn Runi «Arsenal» himoyachisi Gabriel dos Santosning «Chelsi» darvozaboni Emiliano Martines bilan to‘qnashuvi haqida fikr bildirdi. Epizod uchrashuv boshida sodir bo‘ldi.
Runining fikricha, hakam «kanonirlar» futbolchisini maydondan chetlatishi kerak edi.
«Darhol buni payqash qiyin, ammo takroriy lavhani ko‘rganingizda, Martines to‘pni qo‘lida ushlab turgani, Gabriel esa oyog‘ini ko‘tarib, uning boshiga zarba berganini ko‘rasiz. U maydonda qolgani uchun juda omadli bo‘ldi», — dedi Runi BBC telekanalidagi Match of the Day dasturida.
Angliya chempionatining uchinchi turidan o‘rin olgan uchrashuvda «Arsenal» «Chelsi»ni 2:1 hisobida mag‘lub etdi.
Ayni paytda «kanonirlar» to‘qqiz ochko bilan turnir jadvalida ikkinchi o‘rinda bormoqda. «Ko‘klar» esa olti ochko bilan to‘rtinchi o‘rinda.
