"Real" bosh murabbiyi Joze Mourinyu Chempionlar ligasida "Inter"ga qarshi o‘yin oldidan g‘ayrioddiy sovg‘a oldi.
Madrid klubi bazasidagi matbuot anjumanidan so‘ng italiyalik jurnalist portugaliyalik mutaxassisga suv purkagich to‘pponcha topshirdi. Bunday qurilma futbol maydonlarida gazonni namlash uchun qo‘llanadigan suv sepish tizimiga ishora sifatida tanlangan.
Sovg‘a 2009/10 yilgi Chempionlar ligasida Mourinyu boshqargan "Inter" va "Barselona" o‘rtasidagi mashhur yarim finalni yodga soldi.
O‘sha bahsda "Inter" ikki uchrashuv natijasiga ko‘ra kataloniyaliklardan ustun kelib, finalga yo‘l olgan. Javob o‘yinida "Kamp Nou"da 0:1 hisobida mag‘lub bo‘lganiga qaramay, milanliklar hal qiluvchi bosqichga chiqqan edi.
Final hushtagidan so‘ng Mourinyu maydonga chiqib, finalga chiqqanini nishonlagan. Shu payt stadion xodimlari gazonni sug‘orish tizimini ishga tushirgan edi.
