«Aston Villa»ning sobiq himoyachisi Stiven Uornok jamoadagi keng ko‘lamli o‘zgarishlar haqida fikr bildirdi.
Moliyaviy qoidalarga rioya qilish bilan bog‘liq muammolar tufayli klub bir qator asosiy futbolchilar bilan xayrlashishga majbur bo‘ldi.
«Aston Villa» APLdagi 3 turdan so‘ng 1 ochko bilan quyi ligaga tushish zonasida bormoqda. O‘tgan mavsumda esa jamoa chempionatni to‘rtinchi o‘rinda yakunlagan edi.
«Bu ideal vaziyat emas. Ammo Emeri klub va jamoani qayta qurish, o‘yin uslubini shakllantirish uchun aynan kerakli inson.
Menimcha, ikki-uch yildan so‘ng “Aston Villa” ancha yaxshi holatda bo‘ladi. Yakunda bu qayta qurilish klub uchun kutilmagan foydaga aylanishi mumkin», — deya Uornokning so‘zlarini keltiradi Goal.
