«Астон Вилла»нинг собиқ ҳимоячиси Стивен Уорнок жамоадаги кенг кўламли ўзгаришлар ҳақида фикр билдирди.
Молиявий қоидаларга риоя қилиш билан боғлиқ муаммолар туфайли клуб бир қатор асосий футболчилар билан хайрлашишга мажбур бўлди.
«Астон Вилла» АПЛдаги 3 турдан сўнг 1 очко билан қуйи лигага тушиш зонасида бормоқда. Ўтган мавсумда эса жамоа чемпионатни тўртинчи ўринда якунлаган эди.
«Бу идеал вазият эмас. Аммо Эмери клуб ва жамоани қайта қуриш, ўйин услубини шакллантириш учун айнан керакли инсон.
Менимча, икки-уч йилдан сўнг “Астон Вилла” анча яхши ҳолатда бўлади. Якунда бу қайта қурилиш клуб учун кутилмаган фойдага айланиши мумкин», — дея Уорнокнинг сўзларини келтиради Goal.
