«Yuventus» kapitani Manuel Lokatelli Italiya chempionatining so‘nggi turida «Milan»ga qarshi uchrashuvda jarohat oldi.
Yarim himoyachi bahsni oxirigacha davom ettira olgan, ammo jarohati jiddiy bo‘lishi mumkin. Tuttosport ma’lumotiga ko‘ra, agar eng yomon taxminlar tasdiqlansa, 28 yoshli futbolchi menisk operasiyasini boshdan kechiradi va taxminan uch oy maydonga tusha olmaydi.
Lokatellining jarohati va tiklanish muddati bo‘yicha aniq ma’lumotlar u seshanba kuni tibbiy ko‘rikdan o‘tganidan so‘ng ma’lum bo‘ladi.
13 sentyabr kuni Luchano Spalletti boshchiligidagi «Yuventus» A Seriyaning 4-turida safarda «Sassuolo»ga qarshi o‘ynaydi.
