«Ювентус» капитани Мануэль Локателли Италия чемпионатининг сўнгги турида «Милан»га қарши учрашувда жароҳат олди.

Ярим ҳимоячи баҳсни охиригача давом эттира олган, аммо жароҳати жиддий бўлиши мумкин. Tuttosport маълумотига кўра, агар энг ёмон тахминлар тасдиқланса, 28 ёшли футболчи мениск операциясини бошдан кечиради ва тахминан уч ой майдонга туша олмайди.

Локателлининг жароҳати ва тикланиш муддати бўйича аниқ маълумотлар у сешанба куни тиббий кўрикдан ўтганидан сўнг маълум бўлади.

13 сентябрь куни Лучано Спаллетти бошчилигидаги «Ювентус» А Сериянинг 4-турида сафарда «Сассуоло»га қарши ўйнайди.