Bugun Chempionlar ligasi umumiy bosqichining 1-turida "Real" o‘z maydonida "Inter"ni qabul qiladi. Uchrashuv oldidan jamoalarning taxminiy asosiy tarkiblari ma’lum bo‘ldi.
beIN Sports taxminiga ko‘ra, Joze Mourinyo 4-3-3 sxemasidan foydalanishi mumkin. Darvozada Tibo Kurtua o‘ynashi, himoya chizig‘idan Denzel Dyumfris, Ibrahima Konate, Antonio Ryudiger va Mark Kukurelya joy olishi kutilmoqda. Yarim himoyada Federiko Valverde, Jud Bellingem hamda Braim Dias, hujumda esa Yan Diomande, Kilian Mbappe va Vinisius Junior harakat qilishi mumkin.
"Inter" bosh murabbiyi Kristian Kivu esa 3-5-2 sxemasini tanlashi taxmin qilinmoqda. Jozep Martines darvozani qo‘riqlashi, Yan Bissek, Manuel Akanji va Alessandro Bastoni himoya uchligini tashkil etishi mumkin. Qanotlarda Luis Enrike va Federiko Dimarko, markazda Nikolo Barella, Hakan Chalhano‘g‘lu hamda Kyortis Jons, hujumda Lautaro Martines va Markus Tyuram o‘ynashi kutilmoqda.
"Real" — "Inter" uchrashuvi "Santyago Bernabeu" stadionida o‘tkaziladi. Bahs Toshkent vaqti bilan 00:00 da boshlanadi.
