Бугун Чемпионлар лигаси умумий босқичининг 1-турида "Реал" ўз майдонида "Интер"ни қабул қилади. Учрашув олдидан жамоаларнинг тахминий асосий таркиблари маълум бўлди.
beIN Sports тахминига кўра, Жозе Моуриньо 4-3-3 схемасидан фойдаланиши мумкин. Дарвозада Тибо Куртуа ўйнаши, ҳимоя чизиғидан Дензел Дюмфрис, Ибраҳима Конате, Антонио Рюдигер ва Марк Кукурелья жой олиши кутилмоқда. Ярим ҳимояда Федерико Вальверде, Жуд Беллингем ҳамда Браим Диас, ҳужумда эса Ян Диоманде, Килиан Мбаппе ва Винисиус Жуниор ҳаракат қилиши мумкин.
"Интер" бош мураббийи Кристиан Киву эса 3-5-2 схемасини танлаши тахмин қилинмоқда. Жозеп Мартинес дарвозани қўриқлаши, Ян Биссек, Мануэль Аканжи ва Алессандро Бастони ҳимоя учлигини ташкил этиши мумкин. Қанотларда Луис Энрике ва Федерико Димарко, марказда Николо Барелла, Ҳакан Чалҳанўғлу ҳамда Кёртис Жонс, ҳужумда Лаутаро Мартинес ва Маркус Тюрам ўйнаши кутилмоқда.
"Реал" — "Интер" учрашуви "Сантьяго Бернабеу" стадионида ўтказилади. Баҳс Тошкент вақти билан 00:00 да бошланади.
