Londonning «Arsenal» klubi hujumchisi Viktor Dyokeresh bilan xayrlashishga tayyor, ammo buning uchun bir shart bor.

TEAMtalk xabar berishicha, «kanonirlar» shvesiyalik futbolchini yangi yulduz hujumchi topilmaguncha jamoadan qo‘yib yubormaydi. «Arsenal» uchun eng maqbul variant hanuz «Atletiko» hujumchisi Xulian Alvares bo‘lib qolmoqda, biroq argentinalik futbolchi faoliyatini «Barselona»da davom ettirishni istamoqda.

Manbaga ko‘ra, «Arsenal» «Al-Ahli» hujumchisi Ayven Tonini ham transfer qilish variantini ko‘rib chiqmoqda. Biroq ta’kidlanishicha, Toni faqat Dyokereshga o‘rinbosar sifatida qaralmoqda va asosiy tarkibda Kay Xaversning o‘rnini egallash uchun nomzod emas.

28 yoshli Dyokeresh joriy mavsumda 2 ta uchrashuvda ishtirok etdi, ammo gol yoki golli uzatma bilan ajralib turmadi.