«Xetafe» darvozaboni David Soriya La Ligada ketma-ket asosiy tarkibda maydonga tushish bo‘yicha yangi rekord o‘rnatdi.
Ispaniya chempionatining 4-turida «Selta»ga qarshi 1:1 hisobida yakunlangan uchrashuvda 33 yoshli golkiper 90 daqiqa to‘liq harakat qildi. Bu Soriya uchun La Ligada ketma-ket asosiy tarkibda o‘tkazilgan 193-o‘yin bo‘ldi.
Darvozabon 2018 yildan buyon «Xetafe» sharafini himoya qilib kelmoqda. Shu vaqt davomida u Madrid klubi safida 304 ta o‘yin o‘tkazib, 329 ta gol o‘tkazib yuborgan va 100 ta uchrashuvda o‘z darvozasi daxlsizligini saqlab qolgan.
