Hindistonning Bangalor shahrida Tech Mahindra Global Chess League turniri davom etmoqda.
O‘zbekistonlik grossmeyster Javohir Sindorov yetakchiligidagi ““Fyers American Gambits” turnirning ikki turida mag‘lubiyatga uchradi. Jamoa dastlab “Ganges Grandmasters”ga 7:9 hisobida, keyin esa amaldagi chempion — Alpine APL Pipers”ga yirik 3:15 hisobida imkoniyatni boy berdi.
O‘zbekistonlik birinchi raqamli shaxmatchi uchinchi bahsda oq donalarda rossiyalik Ian Nepomniashiga yengildi. Ikkinchi o‘yinda esa FIDE reytingining 1-raqamli grossmysteri, 16 karra Jahon chempioni norvegiyalik Magnus Karlsen bilan durangga imzo chekdi. Javohir Sindorovning jamoadoshi qozog‘istonlik shaxmatchi Bibisora Assubayeva “Ganges Grandmasters” vakili, rossiyalik Polina Shuvalovaga 0:4 hisobida mag‘lub bo‘ldi. “Alpine APL Pipers”ning hindistonlik yosh shaxmatchi Divya Deshmuh bilan durang natija qayd etdi.
Javohir Sindorov yetakchiligidagi jamoa 6 ochko bilan Global Chess League turnirida 3-pog‘onada bormoqda.
