«Barselona» Chempionlar ligasidagi yangi mavsumini 9 sentyabr kuni «Feyenoord»ga qarshi o‘yin bilan boshlaydi. Uchrashuv oldidan jamoa hujumchisi Lamin Yamal «Real»ning La Ligadagi hakamlik borasida bildirgan e’tirozlariga munosabat bildirdi.
19 yoshli vinger madridliklarning hakamlik saviyasi haqidagi tanqidlarini keskin rad etdi.
«Agar «Real» ikki yildan beri La Ligani yutmagan bo‘lsa, bu ularning muammosi. Bilmadim», — dedi Yamal.
Ispaniyalik futbolchi shuningdek, «Barselona» hozirgi hakamlik darajasidan mamnun ekanini va jamoa asosiy e’tiborni o‘z o‘yiniga qaratayotganini ta’kidladi.
«Hozirgacha hakamlik va boshqa jihatlardan juda mamnunmiz. Bu savollarni ularning o‘ziga berishingiz kerak», — dedi Yamal.
