«Manchester Siti» bosh murabbiyi Enso Mareska Chempionlar ligasi 1-turida «Portu» ustidan 2:0 hisobida qozonilgan g‘alabadan so‘ng uchrashuv haqida fikr bildirdi.

«Menimcha, biz ko‘proq gol urishimiz mumkin edi, ayniqsa birinchi bo‘limda. Ammo umumiy hisobda g‘alabaga haqli edik. O‘yinni yutish uchun yetarlicha vaziyat yaratdik va raqibga o‘z darvozamiz oldida unchalik ko‘p imkoniyat bermadik.

Bu stadionda shovqin va bosimga duch kelish tabiiy holat. Shuning uchun jamoamizning o‘yinidan mamnunman», — deya Mareskaning so‘zlarini Sky Sports keltiradi.

«Agar bu stadionga kelib, bemalol o‘ynaymiz va raqibga umuman hech narsa yaratish imkonini bermaymiz, deb o‘ylasangiz, bu imkonsiz. Tabiiyki, ular ham nimadir yaratishi kerak edi.

Ammo ularda jiddiy xavfli vaziyatlar ko‘p bo‘lmadi — bor-yo‘g‘i bir nechta epizod va bizning ayrim xatolarimiz. Menimcha, bu oddiy holat», — dedi «Manchester Siti» bosh murabbiyi.

Avvalroq mazkur uchrashuv haqida «shaharliklar»ning har ikki golini urgan Erling Holand ham o‘z fikrlarini bildirgan edi.