«Real» yarim himoyachisi Federiko Valverde Chempionlar ligasida «Inter»ga qarshi o‘yinda muxlislarning noroziligiga munosabat bildirdi. Uchrashuvning ayrim qismlarida madridliklar raqib bosimi ostida o‘z darvozasi tomon chekinishga majbur bo‘ldi.
«Ikkinchi bo‘limda ancha qiynaldik. «Real» bilan, ayniqsa o‘z maydonimizda, bunday holat bo‘lmasligi kerak.
Biz o‘z futbolimizni raqibga singdirishimiz lozim edi, ammo to‘pni ushlab turish va o‘yin sur’atini nazorat qilishda sabr yetishmadi. Natijada o‘yin juda tartibsiz tus oldi va ko‘p vaqt himoyalanishimizga to‘g‘ri keldi.
Muxlislarning noroziligi? Albatta, ular to‘liq haq. Biz qanday qilib yaxshiroq o‘ynash va maydonda aniqroq harakat qilishni tushunishimiz kerak. Hisobda oldinda bo‘lgan paytda yanada sabrli va xotirjam o‘ynash lozim», — dedi Valverde Movistar efirida.
«Real» mazkur uchrashuvda «Inter»ni 2:1 hisobida mag‘lub etdi.
