«Real» bosh murabbiyi Joze Mourinyu Chempionlar ligasida «Inter» ustidan 2:1 hisobida qozonilgan g‘alabadan so‘ng uchrashuv haqida fikr bildirdi.

«Umuman olganda, o‘yin 6:6 yoki shunga yaqin hisobda yakunlanishi ham mumkin edi. Bizda yana ko‘proq gol urish uchun imkoniyatlar bo‘ldi. Uchrashuv haqiqiy telbalikka aylandi, men esa bunday futbolni yoqtirmayman.

Men 5, 6 yoki 7 ta gol urishni, ammo shu bilan birga o‘yinni to‘liq nazorat qilishni va darvozabonimizning mo‘’jizaviy harakatlariga qaram bo‘lib qolmaslikni afzal ko‘raman.

Trentga yarim himoyadagi mehnati uchun minnatdorman, garchi uning xususiyatlari bu pozisiyaga to‘liq mos kelmasa ham. Biz ixcham harakat qilgan paytlarda hammasi yaxshi edi. Valverde esa jamoaning o‘yin tuzilmasini yaxshi tushundi.

Biz ixtiyorida juda ko‘p variantlar bo‘lgan ajoyib jamoaga qarshi o‘ynadik. Bu og‘ir uchrashuv va juda muhim uch ochko edi. Endi pley-offga chiqish uchun bizga uch ochko kamroq kerak. Bu vazifani uddalashimizga ishonaman. Musobaqani uch ochko bilan boshlash juda muhim edi», — deya Mourinyuning so‘zlarini AS keltiradi.

Chempionlar ligasining 2-turida «Real» safarda «Roma»ga qarshi maydonga tushadi.