Kataloniyaning «Barselona» yarim himoyachisi Fermin Lopes uning nozik jussasi futbol o‘ynash uchun hech qanday kamchilik emas, deb hisoblaydi. U bunga «Barsa»ning sobiq afsonaviy futbolchilari Andres Inyesta va Lionel Messini misol qilib keltirdi.
«Messi va Inyesta men uchun, avvalo, qanday futbolchi bo‘lgani va maydonda nimalarga erishgani bilan o‘rnak bo‘ladi. Shuningdek, ularning bolaligi yoki o‘smirlik davridagi jismoniy rivojlanishi mening davrimga o‘xshash bo‘lgan, deb o‘ylayman. O‘sha qiyin davrlarda dunyoning eng yaxshi futbolchilari bo‘lgan, hayotini yaxshi tomonga o‘zgartira olgan ikki buyuk insonga qarab, men ularda o‘zimning aks-sadomni ko‘rardim», — dedi Lopes.
Fermin Lopes 2022 yildan buyon «Barselona» safida to‘p tepmoqda.
