Каталониянинг «Барселона» ярим ҳимоячиси Фермин Лопес унинг нозик жуссаси футбол ўйнаш учун ҳеч қандай камчилик эмас, деб ҳисоблайди. У бунга «Барса»нинг собиқ афсонавий футболчилари Андрес Иньеста ва Лионель Мессини мисол қилиб келтирди.
«Месси ва Иньеста мен учун, аввало, қандай футболчи бўлгани ва майдонда нималарга эришгани билан ўрнак бўлади. Шунингдек, уларнинг болалиги ёки ўсмирлик давридаги жисмоний ривожланиши менинг давримга ўхшаш бўлган, деб ўйлайман. Ўша қийин даврларда дунёнинг энг яхши футболчилари бўлган, ҳаётини яхши томонга ўзгартира олган икки буюк инсонга қараб, мен уларда ўзимнинг акс-садомни кўрардим», — деди Лопес.
Фермин Лопес 2022 йилдан буён «Барселона» сафида тўп тепмоқда.
