Milanning «Inter» klubi hujumchisi Lautaro Martines jamoasining «Real»ga qarshi o‘yindagi mag‘lubiyati haqida fikr bildirdi. U uchrashuvning katta qismida «Inter» futbolchilarida bo‘sh maydon bo‘lmaganini ta’kidladi.
«Raqib to‘rt himoyachi bilan o‘ynagani uchun himoya chizig‘ini juda zich ushlab turdi. Bo‘sh zonalar kam edi, shuning uchun markaziy yarim himoyachilarimiz to‘g‘ri pozisiyalarni egallashi kerak bo‘ldi. Natijada ikkinchi bo‘limda harakatlarimizni o‘zgartirdik va chiziqlar orasida ko‘p bo‘shliq topdik. Gol urishga va yana bir xavfli vaziyat yaratishga muvaffaq bo‘ldik», — dedi Lautaro.
Eslatib o‘tamiz, Lautaro 2018 yildan buyon milanliklar klubi sharafini himoya qilib kelmoqda.
