Hujumkor yarim himoyachi Aleksandr Golovinga «Spartak»dan taklif tushgan. Shunga qaramay, futbolchi kamida qishgacha «Monako»da qolishni rejalashtirmoqda.

«Chempionat» nashri vaziyatdan xabardor manbaga tayanib xabar berishicha, Golovin o‘z qarorini faqat «Monako» tomonidan unga ultimatum qo‘yilgan taqdirdagina o‘zgartirishi mumkin.

Avvalroq Rossiya Premyer-ligasining yana bir top-klubi — «Zenit» ham Golovinga qiziqish bildirayotgani haqida xabarlar tarqalgan edi.

Aleksandr Golovin «Monako» safidagi to‘qqizinchi mavsumini boshladi. Rossiyalik futbolchi Fransiya klubi tarkibida jami 271 ta o‘yin o‘tkazib, 40 ta gol urgan va 48 ta golli uzatma amalga oshirgan.