Ҳужумкор ярим ҳимоячи Александр Головинга «Спартак»дан таклиф тушган. Шунга қарамай, футболчи камида қишгача «Монако»да қолишни режалаштирмоқда.
«Чемпионат» нашри вазиятдан хабардор манбага таяниб хабар беришича, Головин ўз қарорини фақат «Монако» томонидан унга ультиматум қўйилган тақдирдагина ўзгартириши мумкин.
Аввалроқ Россия Премьер-лигасининг яна бир топ-клуби — «Зенит» ҳам Головинга қизиқиш билдираётгани ҳақида хабарлар тарқалган эди.
Александр Головин «Монако» сафидаги тўққизинчи мавсумини бошлади. Россиялик футболчи Франция клуби таркибида жами 271 та ўйин ўтказиб, 40 та гол урган ва 48 та голли узатма амалга оширган.
