Miroziz Mirzaahmedov boshchiligidagi O‘zbekiston U-15 terma jamoasi Milliy futbol markazida navbatdagi seleksion o‘quv-mashg‘ulot yig‘inini boshladi.

17 sentyabrga qadar davom etadigan yig‘in davomida murabbiylar shtabi chaqirilgan yosh futbolchilarning imkoniyatlarini sinovdan o‘tkazadi. Yig‘inga jami 25 nafar futbolchi jalb qilingan.

Darvozabonlar: Arslon Jo‘rayev ("Nasaf"), Botir Baxtiyorov (TFA), Ulug‘bek Rustamov ("Oqtepa"). Himoyachilar: Komronbek Qahramonov ("Bunyodkor"), Qahhor Siddiqov ("Neftchi"), Abduvoris Qudratov ("Paxtakor"), Sayidolimxon Hamidov (SC-Borsigwalde), Daminjon Muxtorjonov ("Bunyodkor"), Mehruz Isakulov ("So‘g‘diyona"), Farhat Perdibayev ("Bunyodkor"), Umid Hakimjonov (RFA), Asilbek Shermamatov ("Odil Junior").

Yarim himoyachilar: Abdulloh Baxtiyorov ("Bunyodkor"), Rustam Abduraimov ("Nasaf"), Mirjalol Murodullayev (RFA), Afruz Ernazarov ("Odil Junior"), Mirjaxon Mirzaxidov ("Bunyodkor"), Abduaziz Alinazarov (OKMK), Hasanboy Bahromov (RFA), Davlat To‘xtaboyev ("Sementchi"), Abdusamat Zokirov (TFA), Farzodjon Sobirjonov ("Bunyodkor").

Hujum chizig‘iga esa Danil Doniyorov ("Odil Junior"), Mustafo Axmatillayev ("Bunyodkor") va Og‘abek Farmonov ("Nasaf") chaqirilgan.

Yig‘inda asosiy e’tibor futbolchilarning individual imkoniyatlarini baholash va terma jamoaning keyingi tarkibini shakllantirishga qaratiladi.