Germaniya futboli afsonasi Lotar Matteus 2026 yilgi «Oltin to‘p» uchun kurashda «Bavariya» hujumchisi Garri Keynni asosiy favorit deb hisoblashini aytdi.

Matteusning fikricha, Angliya terma jamoasi hujumchisi mavsum davomida barcha musobaqalarda yuqori saviyada o‘ynagan.

«Men uchun Keyn — “Oltin to‘p” uchun asosiy favorit. U Germaniya chempioni va mamlakat kubogi sohibi bo‘ldi, Chempionlar ligasida yarim finalga chiqdi, jahon chempionatida bronza medalini qo‘lga kiritdi. U har bir musobaqada o‘zini ko‘rsatdi, gollar urdi va jamoalarining yetakchisi bo‘ldi», — dedi Matteus.

Sobiq futbolchi, shuningdek, Keynning maydondagi va undan tashqaridagi xulq-atvorini ham alohida ta’kidlab, bu kabi omillar ovoz berish jarayonida muhim ahamiyat kasb etishini qayd etdi.

Matteusning ta’kidlashicha, boshqa nomzodlar ham katta natijalarga erishgan, biroq umumiy ko‘rsatkichlar bo‘yicha Keynning imkoniyatlari juda yuqori.

2026 yilgi «Oltin to‘p» taqdirlash marosimi 26 oktyabr kuni Londonda bo‘lib o‘tadi.