Германия футболи афсонаси Лотар Маттеус 2026 йилги «Олтин тўп» учун курашда «Бавария» ҳужумчиси Гарри Кейнни асосий фаворит деб ҳисоблашини айтди.

Маттеуснинг фикрича, Англия терма жамоаси ҳужумчиси мавсум давомида барча мусобақаларда юқори савияда ўйнаган.

«Мен учун Кейн — “Олтин тўп” учун асосий фаворит. У Германия чемпиони ва мамлакат кубоги соҳиби бўлди, Чемпионлар лигасида ярим финалга чиқди, жаҳон чемпионатида бронза медалини қўлга киритди. У ҳар бир мусобақада ўзини кўрсатди, голлар урди ва жамоаларининг етакчиси бўлди», — деди Маттеус.

Собиқ футболчи, шунингдек, Кейннинг майдондаги ва ундан ташқаридаги хулқ-атворини ҳам алоҳида таъкидлаб, бу каби омиллар овоз бериш жараёнида муҳим аҳамият касб этишини қайд этди.

Маттеуснинг таъкидлашича, бошқа номзодлар ҳам катта натижаларга эришган, бироқ умумий кўрсаткичлар бўйича Кейннинг имкониятлари жуда юқори.

2026 йилги «Олтин тўп» тақдирлаш маросими 26 октябрь куни Лондонда бўлиб ўтади.