«PSJ» Chempionlar ligasi umumiy bosqichi 1-turida «Slovan»ni 6:1 hisobida mag‘lub etgan uchrashuvda raqibidan katta ustunlikka ega bo‘ldi.

Luis Enrike shogirdlari raqib darvozasi tomon 34 ta zarba yo‘lladi, shundan 13 tasi darvozaga aniq bordi.

«Slovan» esa Matvey Safonov qo‘riqlagan darvoza tomon 9 marta zarba berdi. Ularning 4 tasi aniq bo‘ldi, bittasi esa gol bilan yakunlandi.

Shuningdek, parijliklar to‘pga 66 foiz vaqt egalik qildi, «Slovan»da bu ko‘rsatkich 34 foizni tashkil etdi.

«PSJ» uchrashuv davomida 736 ta uzatma amalga oshirdi, ularning 678 tasi aniq manzilga yetdi. Uzatmalar aniqligi 92 foizni tashkil qildi.

«Slovan» esa 285 ta uzatma berdi, shundan 217 tasi aniq bo‘ldi. Bu 76 foizlik aniqlik demakdir.